دڵ وه‌کو بولبول له‌ هیجری نه‌وگوڵێ ئه‌فغان ئه‌کا
ناری جه‌رگ و سۆزی سینه‌م عاله‌مێ بوریان ئه‌کا

... وا دیاره‌ له‌م وڵاتی کۆهساره‌ عاجزه‌
مه‌یلی خاکی گه‌رمه‌سێر و هه‌م قه‌ڵای شیروان ئه‌کا

ئه‌م وڵاته‌ بێ سه‌فایه‌ سارده‌ بۆ عورششاقی ڕوت
ئیشتیاقی به‌ر هه‌تاوی ڕوومه‌تی خووبان ئه‌کا

بارش و بارانی هه‌وری چاوه‌کانم جاریه‌
(زه‌ڵمه‌) یاخود (تانجه‌رۆیه‌) تێکه‌ڵێ (سیروان) ئه‌کا

هه‌ر که‌سێ ئه‌مڕۆ له‌ ڕێگه‌ی ئه‌و نیگاره‌ ڕێی ببێ
بۆ سبه‌ینێ گه‌پ به‌ موڵك و ته‌ختی شاو سوڵتان ئه‌کا

ئافه‌رین بۆ له‌شکری موژگان و زولفه‌ینی سیات
وا به‌یه‌ك ده‌م موڵکی جان و دڵ هه‌موو وێران ئه‌کا

به‌رقی ئاه و سه‌یلی دیده‌ی من له‌ هیجری دولبه‌رم
هه‌ر ئه‌ڵێی هه‌وری به‌هاره‌ ناڵه‌وو تۆفان ئه‌کا

مه‌حمه‌لی له‌یلا ده‌خیلم تۆ به‌ توندی وا مه‌ڕۆ
عاشقی مه‌جنون سیفه‌ت له‌م ده‌شته‌دا گریان ئه‌کا

وا به‌یادی تیغی ئه‌برۆی دولبه‌ری بی ڕه‌حمی خۆی

(ئه‌حمه‌د)ی عاشق خه‌ریکه‌ ڕۆحی خۆی قوربان ئه‌کا

ئەحمەد به‌گی جاف

تبادل لینک هوشمند
برای تبادل لینک  ابتدا ما را با عنوان ئاوێنــــه و آدرس awenakurd.LXB.ir لینک نمایید سپس مشخصات لینک خود را در زیر نوشته . در صورت وجود لینک ما در سایت شما لینکتان به طور خودکار در سایت ما قرار میگیرد.